დაშბაშის კანიონის ბუნების ძეგლი - Natural Monument Dashbash Canyon Natural Monument

ბუნების ძეგლი დაშბაშის კანიონის ბუნების ძეგლი - წალკა

დაშბაშის კანიონის ბუნების ძეგლი მდებარეობს წალკის მუნიციპალიტეტში, მდ. ხრამის (ქცია) ხეობა, სოფ. დაშბაშის მიდამოებში. 1110-1448 მეტრი ზღვის დონიდან.
ღირსშესანიშნაობები: ბუნების ძეგლი წარმოადგენს მდ. ქციის (ხრამის) მიერ დაშბაშის ლავურ მაღლობზე, ვულკანოგენურ ქანებში ჩაჭრილ კალაპოტში გამომუშავებულ იშვიათი და ბიომრავლფეროვნებით გამორჩეულ კანიონისებურ ხეობას. კანიონის ირგვლივ არსებული ეკოსისტემები საკმაოდ ღარიბია მცენარეული საფარით, ხოლო კანიონში არსებულ ციცაბო ფერდობებზე შეფენილი მცენარეულობა, თვალწარმტაცი ჩანჩქერები, სრულიად განსხვავებულ მიკროლანდშაფტს ქმნის მისთვის დამახასიათებელი მიკრო კლიმატით, თავისებური ფაუნით და ა.შ.
მისასვლი გზა: ბუნების ძეგლთან ყველაზე ახლომდებარე მსხვილი დასახლებული პუნქტია ქ. წალკა. თბილისიდან წალკა დაშორებულია 88 კმ-ით; ხანგრძლივობა - 1 სთ და 40 წთ;
ქ. წალკა - სოფ. დაშბაში - 3,8 კმ; ხანგრძლივობა - 15 წთ; სოფ. დაშბაში - დაშბაშის კანიონის ბუნების ძეგლი - 0,5 კმ; ხანგრძლივობა - 10 წთ;
ღამისთევა: ღამის გასათევად ყველაზე ოპტიმალური ვარიანტია ქ. წალკაში დარჩენა, სადაც შესაძლებელია სასტუმროში გაჩერება.