ოჩხომურის ჩანჩქერის ბუნების ძეგლი - Natural Monument Ochkhomuri Waterfall Natural Monument

ბუნების ძეგლი ოჩხომურის ჩანჩქერის ბუნების ძეგლი - მარტვილი

ოჩხომურის ჩანჩქერის ბუნების ძეგლი მდებარეობს მარტვილის მუნიციპალიტეტში, სოფ. კურზუს ს ჩრდილოეთით, მდ. ოჩხომურის ხეობა, 550 მეტრი ზღვის დონიდან.
ღირშესანიშნაობა: ბუნების ძეგლი მიგარიას კირქვული მასივის სამხრეთ ნაწილში, მდ. ოჩხომურის სათავეებში მდებარეობს. სამ საფეხურიანი კასკადის სიმაღლე 100-120 მ-ია. ჩანჩქერის თითოეული საფეხური დაცემისას ძირში პატარ-პატარა ტბებს ივითარებს. ჩანჩქერის გარშემო არსებული ტენიანობა იწვევს მის მიმდებარე ტერიტორიებზე თავისებური ფლორისა და ფაუნის ჩამოყალიბებას, აქ მრავლადაა სხვადასხვა იშვიათი, ენდემური თუ რელიქტური სახეობა, მნიშვნელოვანი ადგილი უკავია ბზის კორომებს.
მისასვლელი გზა: ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ; ქ. მარტვილი - სოფ. კურზუ - 25.3 კმ; ხანგრძლივობა - 30 წთ; სოფ. კურზუ - ოჩხომურის ჩანჩქერის ბუნების ძეგლი - 3,2 კმ; ხანგრძლივობა - 30 წთ; (საფეხმავლო ბილიკი)
ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.